Þú ert hrá dramadrottning.

Ef dramadrottningar væru hamborgarar sem fengjust
"rare",
"medium rare",
"medium"
og "well done"
værir þú vægast sagt hrá. Jafnvel svo léttsteikt að heyra mætti hamborgarann baula þegar gafflinum væri stungið í hann. Þú ert drottning dramadrottninganna, tilfinningarík en fylgispök.



Hráar dramadrottningar lifa í afneitun. Þær viðurkenna ekki að þær séu dramadrottningar og telja sig búa yfir stóískri ró. Þegar bóla birtist á nefi, könguló sleppur inn um svefnherbergisgluggann eða hárið lætur ekki að stjórn er drottningin ekki lengi að reka upp óp, stökkvað upp á stól eða grýta hárburstanum út um gluggann. Ekki er því ráðlegt að vera í nærveru dramadrottningar er hún tekur köstin sín nema réttur útbúnaður sé hafður við höndina, þ.e. hjálmur, eyrnatappar og súkkulaði (eina lyfið sem virkar þegar kemur að því að róa niður drottninguna). En þrátt fyrir allt eru hráar dramadrottningar vænstu skinn og þegar allt leikur í lyndi hjá þeim (aðeins þegar tungl er fullt) eru þær sérlega hressar og skemmtilegar.



Hversu mikil dramadrottning ert þú?  ¶ fimmtudagur, janúar 18, 2007

Sambandslaus
Yndislega barnið mitt er búið að drepa annan síma fyrir mér... Mér að kenna, hélt hann væri kominn yfir "naga allt og slefa á það" tímabilið, svo fór hann að taka tennur aftur, það er 4 á leiðinni núna (að minnsta kosti) og síminn minn er farinn!



Planið er að splæsa í símadruslu um leið og ég kemst í Kringluna... Sem er ekki að gerast fyrir mig.

Þangað til er það heimasíminn og gemsinn hans Ragga...  ¶ miðvikudagur, janúar 10, 2007